Concello de Bergondo - Feira de Artesanía

FEIRA DE ARTESANÍA DO CONCELLO DE BERGONDO

Feira da Industria, Comercio e Artesanía do Concello de Bergondo.

últimas edicións (2008-2011)

------------------------------------------------------------------------------------------------

ORIXE DA FEIRA

A feira de artesanía xurde no ano 2001 para dar solución a un problema que consistía principalmente no descoñecemento por parte da cidadanía dun sector con moitas posibilidades económicas e cun gran potencial de riqueza.

Nun primeiro momento ten unha clara vocación socioeconómica, por unha banda pretendíase impulsar e promover o sector artesanal emprazado na zona e por outra dar a coñecer ós cidadáns uns oficios que dalgún xeito foran esquecidos debido o auxe da industria.

ANO 2001, O PUNTO DE PARTIDA

Dende o primeiro ano, os artesáns do concello implicáronse neste proxecto participando activamente, xa na organización do mesmo, xa mostrando productos de alta calidade ou amosando ó publico en qué consiste o seu traballo.

Este esforzo tivo o seu froito, obtendo como resposta a afluencia masiva de público que ata entón non amosaba ningún interese por este sector.

Ofrecíase a poboación, a posibilidade de pasar unha xornada agradable, en familia, gozando de productos de artesanía, participando directamente en talleres participativos ou demostrativos, asistindo ás actuacións de grupos de danza invitados para a ocasión, así como, claro está, visitando as casetas da feira.

É de destacar o carácter gratuíto, que dende sempre tivo esta Feira. Por esta razón, dado o elevado custe que supoñía o traslado e aloxamento de artesáns, portes de mercancías, actuacións de grupos invitados, en xeral, a organización de todo o evento, o seu comité organizador, tivo que solicitar axudas económicas a entidades para sufraga-los gastos ocasionados.

O certo é que tralo éxito obtido na I Primeira Feira de Artesanía, aparece no sector artesanal do concello unha nova iniciativa como é a constitución da “ASOCIACIÓN DE ARTESÁNS DAS MARIÑAS”, cuios obxectivos principais son:

- Promover económicamente o sector da artesanía.
- Mellora-la calidade dos seus productos.
- Desenvolver proxectos comúns para facer fronte a competencia dentro do seu mercado.

Todos estes proxectos e ideas fan que Bergondo sexa un punto de referencia dentro do sector artesán galego.

Na primeira etapa de vida desta Feira e atendendo ó xa exposto no apartado anterior, programáronse diversas actividades, como Obradoiros de Restauración, Coiro, Reciclaxe ou Cantería.

Nesta primeira edición os asistentes á Feira puideron gozar, a parte da exposición e venta das distintas obras artesáns, dunhas xornadas festivas amenizadas por distintos grupos folclóricos.

A gran afluencia de público demostrou que este tipo de eventos culturais segue estando moi vivo. Sen dúbida o entorno, o ambiente tranquilo e as actuacións musicais foron os que animaron a xente a acercarse ata este Concello, e gozar desta xornada.

Para a difusión desta feira, encargáronse carteis y dípticos informáticos e difundiuse así mesmo a través da radio e a prensa rexional (La Voz de Galicia, El Ideal Galego, etc).

ANO 2002

Na II Feira de Artesanía do Concello de Bergondo melloráronse en todo-los aspectos os obxectivos acadados na súa primeira edición: a afluencia de público; o número de artesáns invitados para o evento; a calidade dos productos en exposición, o emprazamento das casetas, tanto para o público asistente como para os artesáns participantes.

Si ben ata esta data na feira, o público só participaba dunha maneira directa nos obradoiros e na venda nas casetas, este ano por vez primeira, dada a calidade e a cantidade dos artesáns participantes, pensouse que era unha boa idea convocar 2 premios consistentes nunha contribución dineraria (premio á mellor peza, e premio ó mellor caseta), pretendeuse que a cidadanía manifestara a súa opinión a través dunhas urnas dispostas ó efecto e elixiran o producto e o caseta preferidos.

Asimesmo aparte de motivar ó público a visita-la feira, incentivase ós artesáns a presentaren obras con calidade, que poidan fomenta-la competencia respecto a outras obras dentro da súa categoría.

Por outra banda, xurde dentro da feira con gran atractivo, A GALERÍA DE ARTE, que consiste preferentemente nunha exposición de obras de distintos autores e de diferentes oficios artesanais, a traves da cal o visitante pode admirar a riqueza da nosa cultura e o talento dos nosos artistas.

O programa de actividades incluíu diversos obradoiros demostrativos: teares, palilleiras, olería, forxa e vidreiras...así como a actuación de grupos folclóricos municipais.

Para a difusión desta feira, colocáronse pancartas publicitarias en diferentes puntos das parroquias do concello, encargáronse carteis publicitarios e dípticos informativos á imprenta e difundiuse en distintos medios de comunicación a través de cuñas publicitarias.

ANO 2003. NOVAS MELLORAS

Neste ano intentáronse acadar novas metas, que deron como resultado que esta feira tivese máis repercusión dentro da nosa Comunidade.

Pretendemos que a xente se interesase dende un principio na Feira e por esta razón convocamos xa un concurso de carteis no que o gañador aparte de lograr un premio en metálico, puido contemplar a súa obra nos distintos carteis e dípticos da Feira, que se colocaron por toda a zona.

Seguimos pedindo ós cidadáns que participen nos distintos obradoiros planificados para a celebración da Feira e así contribúan á expansión da nosa cultura.

Tamén ampliamos a nosa GALERÍA DE ARTE para demostrar que os nosos artesáns poden competir na calidade das súas obras con outros artesáns recoñecidos internacionalmente. Esto aumentou o orzamento adicado a este evento, debido ó traslado das diferentes obras e os seguros a pagar para protexelas ante diferentes contratempos.

Acadouse unha asistencia de artesáns de distintos oficios e zonas da Península, co cal os visitantes da feira puideron comprobar dalgunha maneira o extensa e rica que é a artesanía. Novamente esto incrementou o gasto, debido ó desprazamento e aloxamento destes artesáns.

ANO 2004. A CONSOLIDACIÓN

O Concello de Bergondo, en colaboración coa Asociación de Artesáns "As Mariñas" organizou a IV FEIRA DE ARTESANÍA (15, 16 e 17 de maio de 2004), que, como nos últimos anos, incluíu stands de venda, obradoiros participativos e demostrativos, así como unha Galería de Arte, na que estiveron expostas pezas de varios artistas de diferentes nacionalidades.